Эрдмийн ажлын график-дүрслэлийг Нюфлотоор зурах нь /Scientific plotting with gnuplot/

Эрдмийн ажлын график-дүрслэлийг Нюфлотоор зурах, дүрсжүүлэх

"Дөтгөөр хэсэг"

Нюфлоттой ажиллана гэдэг бол хаа нэгтэйгээс бичигдсэн кодуудыг нь цуглуулж олж ирж өөрийн зурах гэж байгаа графиктаа ашиглана гэсэн үг. Нюфлотын ажлын кодын алгоримтыг харуулбал:

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33

# gruplot algorithm reset #нюфлот дээр өмнө хийгдсэн ажлын #хадгалагдсан үлдэгдэлүүдийг арчих. set terminal #терминалаа шаардлагатай #сонголтуудтай нь хийнэ. set output #хэвлэж гаргах файлын нэр, #өргөтгөлөө өгнө. Терминалаас хамаарна. set axis, its range #Энд графикын талбарын #тохиргоог хийнэ. Бүлэг графикуу, нэг #графикуу, хэдэн тэнхлэгтэй байх уу? #тэнхэгийн утгын хүрээ, яаж нэрлэх гэх мэт. set line, point style #муруй шугам, #цэгнүүдийн тохиргоог хийж өнгө төрлийн #загвараа тохируулна. Гэхдээ үүнийг график #зурахдаа тохируулж болно. set key position #Графикийн тэмдэглэгээний #байрлал энэ тэрийг тохируулна. plot data #энэ гол комманд бөгөөд мэдээг #дүрсжүүлэх ажил хийгдэнэ. Энд аль мэдээг #дүрсжүүлэхээ сонгож, зураас, өнгөний загвар #сонгох, тэмдэглэгээнд нэр өгөх гэх мэт #тохиргоо хийгдэж болно. unset terminal #Дүрсжүүлэх ажил дууссан бол #терминалаа чөлөөлж ажлыг дуусгана. unset output #Энд хэвлэж гаргаж байгаа #файлаа чөлөөлж эцсийн бүтээгдэхүүн болгоно.

Стефаны бодлого /Stefan problem solved/

Стефаны бодлого 

Математик болон физикийн шийд нь олдсон үндсэн, сонгодог бодлогууд ихэвчлэн шийдийг нь олсон эсвэл их хувь нэмэр оруулсан эрдэмтэнийхээ нэрээр нэрлэгддэг. Тухайлбал бидний өмнө шийдвэрлэсэн Стокесийн бодлогууд, одоо шийдэх гэж буй Стефаны бодлого, арван жил, их сургуульд таарч байсан Диричлетийн бодлого, Кошийн бодлого, физикийн алдарт Ньютон-Пеписийн бодлого, математикийн Васелийн бодлого, Гауссын дугуйн бодлого, геометрт Жанжин* Напелионы бодлого - хоолонд хүртэл нэрээ мөнхөлсөн Напелион шүү дээ, магадлалын онол дахь төрсөн өдрийн бодлого, бүр Черилийн төрсөн өдрийн бодлого гэх мэт хүн болгон бараг нэг нэг бодлоготой байгаа бол зарим хүмүүс олонтой, жишээ нь Хилбертийн 23 бодлого гэж байх юм. Амьдал дээр ч гэсэн бид бүгд асуудалтай учирч түүнийгээ яаж шийдвэрлэх вэ гэдгээ боддог. Тэр бодлого маань нийтлэг чанартай бол аятайхан математикаар илэрхийлчихвэл тусгай бодлоготой болох боломж байна аа. Цахим ертөнцөд хүний нэрээр нэрлэгдсэн тэгшитгэл, хууль, физик үзэгдэл, коэффициент, хэмжээсгүй тоонуудын жагсаалт гэж байхаас хүний нэрээр нэрлэгдсэн стандарт сонгодог бодлогуудын жагсаалт байдаггүй юм байна. За энэ ч яахав Стефаны бодлогоо тодорхойлъё.

Сонгодог Стефаны бодлого нь нэгэн төрлийн орчинд бий болж байгаа фазын өөрчлөлт, уг орчин дахь температурын тархалт зэргийг тодорхойлдог бодлого юм.

Стефаны бодлогын үр дүн. Дараа нь гоё хувилбарыг нь Нюфлот кодтой нь оруулна.

Стокесийн хоёрдугаар бодлого /Stokes Second problem/

Стокесийн хоёрдугаар бодлого

Стокесийг таних байхаа. Навьер-Стокесийн тэгшитгэлийг үзэж байсан, физик дээр тунах бөмбөлөгний туршилт хийж байсан бол лавтай л сонсож байсан нэр байх. Стокес шингэний механикт маш олон зүйлийг судалж үлдээсэний хэсэг нь Стокесийн 1 ба 2-р бодлого, түүний шийдүүд юм. Энэ хоёр бодлогын шийд нь Навьер-Стокесийн тэгшитгэлийн одоогоор олдоод байгаа хэдхэн шийдний нэг юм. Сая долларын үнэтэй Навьер-Стокесийн тэгшитгэлийн шийд оршин байдаг гэсэн баталгааг саяхан Казакстаны эрдэмтэн 30 жилийн судалгааны үр дүнд гаргасан гэсэн боловч алдаа гаргасанаа хүлээн зөвшөөрсөнөөр түүний олон жилийн хөдөлмөр үгүй болсон юм. За энэ ч яахав Стокесийн 1-р бодлого гэж юу гэдгийг тайлбарлачихаад 2-луугаа оръё. Хязгааргүй үргэлжлэх хавтан дээр шингэн хөдөлгөөнгүй оршиж байна гэж үзнэ. Гэнэт уг хязгааргүй үргэлжлэх хавтан U гэсэн хурдтайгаар огцом хөдлөнө. Энэ үед шингэний хурдны профайлыг ямар байхыг бодож олохыг Стокесийн 1-р бодлого гэнэ. 

Стокесийн хоёрдугаар бодлогын тооцонгийн шийд.