Усны барилгын ажлын төслийг бусдад танилцуулах сургалт /Study trip on river engineering construction work for public group/

Голын эргийн барилга байгууламж,амьдрах орчны судалгааны тухай танилцуулах сургалт

Япончууд хийж байгаа ажлуудаа үе үе олон нийтэд таниулах зорилгоор тусгай танилцуулах сургалт бүхий арга хэмжээг зохиодог юм. Энэ нь нийгэмд тухайн төслийн ач холбогдлыг таниулах, ойлуулах, тус дэм авч хамтарч ажиллах гол хэлхээг бий болгодог байх. 

Ингээд 2017 оны 1 сарын 11 -нд болсон танилцуулах сургалтанд явж үзсэн ба энэ тухай сонин хачингаа хуваалцъя. 

Сургалт нь Нагаока хотын их сургуулиудын усны болон биологийн мэргэжлийн оюутнууд, усны болон биологи, экологийн чиглэлийн компани, төрийн бус байгууллага, голын талаар санаа зовж явдаг хүмүүст зориулсан байв. Зохион байгуулагч нь Шинано голын захиргаа, Хокурику бүсийн менежмент, үйлчилгээний холбоо, Япон төмөр зам зэрэг болно. 

Анх удаа Нагаока хотын галт тэргэнд сууж үзсэн нь. 

Сургалт нь Шинано (信濃川) болон Үоно голын (魚野川) уулзвар Кавагүчи гэдэг газар болсон ба эхлээд голын татамд хийгдэж буй цэцэрлэгийн ажлыг хараад, тэнд ашиглагдаж буй усны барилгын технологиудын талаар тайлбарласан юм. Дараа нь Япон төмөр замын Кавагүчид байрлах цогцолборт (JR信濃川発電所PR川口プラザ) очиж лекц сонссон юм. Хотын нэг хэсэг газарт зориулсан олон нийтийн үйл ажиллагаа явуулах зориулалттай том лекцийн танхимтай, спорт заалтай, хоол цай хийх газартай, үзүүлэнтэй иймэрхүү цогцолбор газар маш олон байх ба энэ нь өдөр болгон олон нийтэд үйлчилж байх нь их сайхан юм. Энд аялагч болон жуулчидад мэдээлэл өгөх төв хүртэл байдаг байна. Лекц эхлэхээс өмнө энэ цогцолборт авсан дараах зургуудыг сонирхуулъя. 

Цогцолборын 2 давхарт хүлээн авах том өрөөнд байх ханын сонингууд. Энэ дээр Үоно гол болон Шинано голд байх гол загаснуудыг харуулсан байна. 

Өгүүллийн шүүмжээс суралцах нь 2 /Learning from comments of Reviewers and writing response/

Ангил хэл дээрх өгүүллийн шүүмжнээс суралцах нь

хариу захиа яаж бичих, шүүмжийг өгүүлэлд хэрхэн тусгах тухай

Англи хэл гэлтгүй гадаад хэл дээр өгүүлэл бичих нь хүндрэлтэй асуудал. Тухайн хэлний мэдлэг өндөр ч өгүүлбэр хоорондын уялдаа холбоо логик энэ тэрийг хангаж богино мөртлөө ойлгомжтой өгүүлбэрүүдтэй өгүүлэл бичих нь туршлага болоод эх хэлний бичгийн чадвараас их хамаардаг байх гэж бодож байна. Өгүүлэл бичих, өгүүллээ илгээх, шүүмж хүлээн авах, шүүмжийг өгүүлэлд тусгаж өгүүллээ сайжруулан буцааж илгээх, хариу захиа бичих гэх мэт өгүүлэл хэвлүүлэх бүхий л үйл явц нь өөрөө тогтсон жаягтай байна. Анх өгүүлэл бичээд өгүүлэл тэнцээгүй эсвэл ирсэн шүүмж нь хатуу үгтэй байвал зохиогч шантардаг гэлцдэг. Үнэндээ онцгүй мэдээ хүлээн авахад жаахан хямрах асуудал байх ч үүнийг өөрөө сайжрахгүй бол болохгүй юм байна гэсэн ухаанаар хүлээж авах хэрэгтэй. Өгүүллээ анх илгээхээс өмнө өөрөө болон бусад хамтрагчдаа уншуулж санал хүсэлтийг нь сонсож байх хэрэгтэй. Чанар муу өгүүлэл илгээх нь шүүмжлэгч болоод редактор нарт онцгүй мэдрэмж төрүүлэх нь ойлгомжтой /Энэ жишээ миний өгүүлэл дээр гарсан ба зарим шүүмжлэгч нь ихэд уурласан байх/. Шүүмжлэгч нар өөрсдөө судлаач бөгөөд өөрийн хийх их ажлынхаа хажуугаар таны өгүүллийг хянаж байгаа учир стресстэй байх нь аргагүй. Харин сонирхолтой, ойлгомжтой, шинэлэг өгүүлэл тэдэнд сэргээш шиг л болох байх. Энэ нийтлэлд өөрийн нэг өгүүллийн жишээн дээр суурилж өгүүллийн шүүмжийг хэрхэн хүлээж авах, хэрхэн хариу бичих, хэрхэн өгүүллээ сайжруулах тухай товч хэлэлцье.

Шүүмжний дагуу өгүүллээ засаж сайжруулж байгаа байдал.

Супер компьютер ба өндөр бүтээмжит тооцоолол /Super computer and High performance computing/

Супер компьютер ба өндөр бүтээмжит тооцоолол

Super computer and High performance computing

Цахимжсан эрин үед мэдээллийг хадгалах, болосруулах, хүний амьралын нийгэмд ашиглах гэдэг нь цаанаа асар төвөгтэй процессын үр дүнд бий болж байдаг. Мэдээний шинээр үүсэх хурд байгаа мэдээллийн хэрэггүй болж устах хурдаас хэд дахин их байгаа өнөө үед өндөр багтаамжтай мэдээллийн агуулах /data center/ асар чухал хэрэгцээтэй цогцолбор болж байгаа юм. Мэдээллийн аюулгүй байдал, цогцолборын ажиллагааг найдвартай байлгахын тулд их хэмжээний эрчим хүч зарцуулж байна. Мэдээн дундаас мэдлэг нь буурдаггүй үргэлж нэмэгдэж байдаг нь мэдээллийн технологийн хөгжлийг ганцралруу /онцгой/ хөтөлсөөр байна. Улс орон болгон өөрийн үндэсний аюулгүй байдал, хүн амын сантай холбоотой мэдээллийг дотоодын хэрэгцээнд ашиглаж, бусад газруудад алдчихгүйн тулд өндөр хамгаалалттайгаар хадгалж байдаг. Гэтэл Монгол улсад мэдээллийн сан, агуулах байдаг эсэхийг дуулаагүй юм байна. иргэний бүртгэл мэдээллийн газар ямар агуулахтайг мэдэхгүй юм. Ганц мэдээ хадгалах нь супер компьютер, агуулахын үүрэг биш юм. Цаг уурыг урьчилан магадлах, судалгааны шинжилгээний тооцоолол хийх, эдийн засгийн болоод хотын замын хөдөлгөөн, ачаа тээврийн зохицуулалт, том онцгой байгууламжийн гэрэл цахилгаан, халаалт, усны системийг удирдах гэх мэт маш оллон тооцооллын төрлийн ажлуудыг өндөр хурдтай гүйцэтгэхийн тулд супер компьютер хэрэгтэй. 

ExaScaler and PEZY Computing - Shoubu system B

Өмнөд Дакотагийн их сургууль, судалгааны байгууллагаар хийсэн танилцах аялалын зургууд /trip to South Dakota/

Өмнөд Дакотагийн их сургууль, судалгааны байгууллагаар хийсэн танилцах аялалын зургууд - 2016 он

2016 оны 6-р сард Мичиганы их сургууль дээр Олон улсын мөсний хуралд оролцсоны дараа Өмнөд Дакотаруу явж сургууль, судалгааны байгууллагуудтай танилцах аялал хийсэн юм. Энэ аялалыг зохион байгуулсан Профессор Скотт Кеннер, төсөв зардлыг даасан Профессор Хосояамада нартаа маш их талархаж байна. Ерөнхийдөө гурван газраар явж танилцсан юм. Үүнд:

1. Зөвлөх үйлчилгээний РЭСПЭК компани
2. Америкийн нэгдсэн улсын Геологийн судалгааны агентлагын салбар - Усны төв
3. Өмнөд Дакотагийн Уул уурхай, Технолонийн сургууль

Ингээд авсан зурагнуудаасаа тус бүрээр нь сонируулъя. Зарим нь тайлбартай, зарим нь тайлбаргүй болно. 

Зөвлөх үйлчилгээний компани - RESPEC Consultant engineering

RESPEC is an integrated consulting and research firm on water, mining, environment (GIS) and information technology. RESPEC is the abbreviation to REsearch SPECialist. This firm powered by full dedicated professionals. Worth to visit, inspired and charged me. Each photo has an explanation to get information about RESPEC. RESPEC хэмээх судалгаа, зөвлөх үйлчилгээний нэгдмэл фирмтэй очиж танилцлаа. Уул уурхайн судалгаа, чулуулгын лабораториор 1969 оноос эхлэн үйл ажиллагаагаа явуулж өдгөө ус ба байгалийн нөөц, хүрээлэн буй орчны монитор, мэдээллийн технологийн чиглэлд өргөжин ажиллаж байгаа санаачлагатай байгууллага байв.